ididp.com 免費分類網站刊登網上廣告,完全免費, 祇有在 ididp.com

詳情

如果大家有睇我上一個post,應該都會見到我有預告左一個叫「蕃茄工作法」既東西,究竟一個蕃茄可以點樣幫到你去讀書同工作呢?「蕃茄工作法」的方法入面既蕃茄並唔係真係食得既蕃茄,而係源於大家細個時候見過蕃茄型狀的倒數計時器 (請睇圖)。
呢個「蕃茄工作法」,在下午時候大家開始温到累時係特別有效既。依家就同大家開始實行DSE 2020呢套方法!

 

你要準備既物資:

1.    計時器 (電話都得)

2.    一張紙

3.    一支筆

成個步驟:

1.    訂立幾個目標並將佢寫係一張紙上面

2.    先揀一個最先要完成既目標

3.    將計時器設定為25分鐘,開始計時 (稱為一個蕃茄時間)

4.    極專心讀書/工作,完成揀左既目標

5.    計時器響,停止工作,係揀左既目標隔黎畫一個剔

6.    休息3-5分鐘,飲杯水,碌下手機

7.    重覆 (3) – (6)

8.    如果目標已經完成,將目標刪走,但保留啲剔

9.    繼續重覆 (3) – (6)

10. 如果已經畫左4個剔,休息25分鐘,出去行一行,番黎刪走4個剔,重新做 (3) – (9)‍

11. 當你將紙上面所有目標都刪走哂你就可以收工了!

就係咁!一開始定立既目標非常重要,如果大家有睇過我以前既分享應該都會知道目標既重要性 (#ffstudyplan)。
你既目標要係數得到同埋係幾個鐘內做得哂,例如你係下午要温完chem既DSE Notes,又或者係要睇完出師表同廉頗藺相如既YY筆記,又或者係做完一份數學DSE Past PaperDSE Maths Past Paper等,又或者係睇一本DSE English英文書到50頁。


在你開始工作前,清理你既工作環境,關掉所有遊戲、社交網站等,並將你的手機放在遠處。確保在期間認真工作,如果你係25分鐘內分左心,咁計時器響既時候休息完之後就唔好畫剔,迫自己一定要全程認真工作先可以有最後既大休息。

我講一講點解大家需要呢方法!之前同你地傾計既時候,都大致知道你地温習最大既弊病就係分心,同漫無目的咁温書,以下就係呢套方法既好處!

1.    打散一個大目標,有清晰既小目標,係25分鐘內你清楚知道你要做既事‍,確保所有時間都用係同一件事身上。

2.    更加專注。25分鐘係正常人可以全神貫注既時間,你絕對可以頂到入25分鐘內唔被打斷,訓練決心。

3.    確保有適時同有規律既休息。如果不斷工作而唔休息,好可能最後會直接訓覺放棄‍。每次蕃茄時間之後既休息都可以係當作獎勵推動自己。

大家不妨回到家後立即在明天不用上課的時間實行這個方法,從中計劃、跟隨進度、記錄進度、審視進度。

 

聯絡我們|私隱權聲明|使用條款及細則

Copyright © 2011 ididp.com. All Rights Reserved.

Topkee Media出品。